Таны машинд үнэртүүлэгч байдаг уу? Хэрвээ тийм бол анхаарлаа нааш хандуулаарай. Та магадгүй эрүүл мэндээрээ өдөр бүр хохирч байж мэдэх юм. Анхилам сайхан үнэртэй, гоёмсог өнгө үзэмжтэй, авсаархан загвар хийцтэй боловч үнэн хэрэгтээ таны бодсоноос ч их хор хөнөөлтэй.

Машины үнэртүүлэгч нь найрлагадаа бензол, формальдегид, толуол зэрэг дэгдэмхий органик нэгдлүүд (VOC) ихээр агуулдаг. Эдгээр нэгдлүүд богино болон урт хугацаандаа хүний эрүүл мэндэд сөргөөр нөлөөлж байдаг. Удаан хугацаанд хэрэглэснээр толгой өвтгөх, төв мэдрэлийн систем гэмтээх, цаашлаад хорт хавдар ч үүсгэх болзошгүй эрсдэлтэй юм. Зарим үнэртүүлэгчид үнэрээ удаан хадгалахын тулд фталат агуулсан байдаг. Фталат нь дотоод шүүрлийн хэвийн үйл ажиллагааг алдагдуулж, нөхөн үржихүйд сөрөг нөлөө үзүүлдэг.

Машиндаа байнга үнэртүүлэгчтэй явах нь амьсгалын замыг цочроох, архаг үрэвслийг сэдрээх болон амьсгалын замын өвчлөл үүсгэх ч эрсдэлтэй. Харшил болон астма өвчтэй хүмүүст ханиалгах, найтаах, амьсгалахад хүндрэлтэй байх зэрэг шинж тэмдгүүд илэрдэг. Мөн зарим хүмүүст арьсыг нь цочроож, харшлын урвал үүсгэх замаар ч илэрдэг байна. Байнга ядрах, толгой өвдөх, анхаарал төвлөрөл муудах зэрэг нь ч машины үнэртүүлэгчээс болдог гэх судалгаа бий. 

Тэгвэл машиндаа ямар үнэртүүлэгч ашиглах вэ? гэх асуулт урган гарж байна. Хамгийн аюулгүй сонголт бол байгалийн үнэртүүлэгчид юм. Үүнд байгалийн гаралтай эфирийн тоснууд багтана. Ургамлаас гарган авдаг эфирийн тоснууд нь химийн хорт бодис агуулдаггүй ба таатай үнэр ялгаруулахын сацуу стрессийн түвшнийг бууруулах давуу талтай. 

Лхамур брэндийн зүгээс та бүхэнд гурван төрлийн эфирийн тосыг санал болгож байна. Эвкалипт, нимбэгт өвс болон лаванда цэцгийн эфирийн тоснууд маань 100% байгалийн гаралтай бөгөөд машинд, гэрт, оффист гээд хаана ч ашиглагдах боломжтой, олон талын үйлчилгээтэй юм.

• Нимбэгт өвсний эфирийн тос нь агаарыг цэвэрлэх шинж чанартай ба үнэрийг саармагжуулах чадвартай. Давхар цусны эргэлт, хоол боловсруулах тогтолцоог дэмжих үйлчилгээ үзүүлдэг.
• Эвкалиптийн тос нь сэргээгч чанараараа гойд алдартай. Сэнгэнэсэн модлог үнэр нь оюун бодлыг сэргээж, эрч хүч бэлэглэн, анхаарал төвлөрөлтийг нэмэгдүүлэх ач холбогдолтой.
• Лаванда нь стресс ихтэй үед алжаал тайлж, амарч тайвшруулах онцгой үйлчилгээтэй. Толгойн өвдөлтийг намдааж, нойргүйдлийг арилгахын сацуу нян бактери устгах, ариутгах чадвартай юм.

Эфирийн тоснуудын дэлгэрэнгүй мэдээлэл: https://lhamour.mn/t/life_style