Таны арьс аялахад бэлэн үү?

Нүүр
Мэдээ, мэдээлэл
Таны арьс аялахад бэлэн үү?

Info Lhamour

2024/06/12 06:13

5 үзсэн

Таны арьс аялахад бэлэн үү?

Аялна гэдэг амьдралаас авч болох хамгийн сайхан зүйлсийн нэг. Шинэ газар, шинэ адал явдал,
шинэ хүмүүс, шинэ мэдрэмж…гээд л. Харин энэ бүх шинэ зүйлсэд таны арьс бэлэн үү? Дасаагүй
цаг агаар, идэж үзээгүй хоол, цагийн зөрүү, аян замын алжаал гээд олон зүйлсээс шалтгаалан
хүсэн хүлээсэн аялал арьсанд маань сөргөөр нөлөөлөх нь элбэг. Иймд аялалд гарахынхаа өмнө
арьс арчилгаандаа эдгээрийн сайтар төлөвлөж бэлдээрэй.

Юун түрүүнд авч явах бүтээгдэхүүнүүдээ шилж сонго.

Овор ихтэй савлагаанаас зайлсхийж, аялалд зориулсан авсаархан байхаар бодолцоорой. Нүүр цэвэрлэгч, чийгшүүлэгч тос, нарны тос, серум, уруул өнгөлөгч гээд зайлшгүй шаардлагатай бүтээгдэхүүнээ мартуузай.

Аяллын турш чийгшүүл, чийгшүүл бас дахин чийгшүүл.
Таны очих цэг Антарктид тив, Сахарын цөл, ширэнгэн ой, далайн эрэг, хээр тал, хөдөө нутгийн
аль нь ч байлаа гэсэн арьсаа маш сайн чийгшүүлсэн байх ёстой. Өөрийн арьсны онцлогт
тохирох, органик бүтээгдэхүүнүүд үүнд чухал үүрэгтэй. Дан ганц гаднаас нь бус дотроосоо ч
мөн ус сайн ууж чийгшүүлээрэй.

Арьсандаа дасан зохицох боломж олго.
Аяллын үеэр хүнд нүүр будалтаас зайлсхийж, аль болох хөнгөн будалт хийгээрэй. Халуун
орноор аялж байгаа бол хөнгөн бүтэцтэй бүтээгдэхүүн хэрэглэж, нарны тосоо тогтмол сэргээх
нь чухал. Харин хүйтэн сэрүүн нөхцөлд байгаа бол өтгөн бүтэцтэй, тэжээлээр баялаг
бүтээгдэхүүнийг санал болгож байна. Хөл хөдөлгөөн ихтэй, хот суурин газраар аялвал
антиоксидантаар баялаг бүтээгдэхүүн заавал авч яваарай.

Аюулгүй байдлаа сайтар ханга.
Аялал хэдий амттай ч эрсдэл үргэлж дагуулж байдаг. Ямар нэг амьтанд хазуулах, хоол хүнснээс
харших, гэмтэж бэртэх, арьс түлэгдэх, цочрох гээд юу ч тохиолдож болно. Энэ үед яаралтай
арга хэмжээ авах нэн чухал, амины бүтээгдэхүүн танд хэрэгтэй. Лхамур брэндийн зүгээс харин
“Эмчилгээний тос”-ыг танд санал болгож байна . Найрлагадаа хуш модны давирхай, нохойн
хошуу агуулсан уг тос нь арьсны бүх төрлийн эмгэгийг эдгээж, нөхөн төлжүүлэх шидтэй юм.

Ариун цэврийг эрхэмлэ.
Хаана ч явсан хамгийн их бохирддог зүйл бол бидний гар. Аяллын үеэр гайхамшигт юмс
үзэгдэлтэй танилцахдаа гарын ариун цэврийг сайтар сахих нь чухал. Лхамур брэндийн шүршдэг
гар ариутгагч болон шүршдэг савангууд нь аялалд тохирсон, амар хялбар савлагаатай ба
хамгийн эмзэг арьсыг ч гэмтээхгүй, зөөлөн бүтэцтэй гэдгээрээ онцлог. Мөн дан ганц ариун
цэвэр гэлтгүй эрүүл мэндийн хувьд ч онцгой ач холбогдолтой тул гараар дамжих аливаа
эрсдэлээс хамгаалах үйлчилгээтэй.

Эцэст нь таны аялалд шаардлагатай бүхий л арьс арчилгааны бүтээгдэхүүнийг Лхамур брэнд эх
орондоо үйлдвэрлэж байна. Хаана ч явсан нүүр бардам хэрэглэх, чанартай, баталгаатай
бүтээгдэхүүнээ сонгож, эх дэлхийдээ ээлтэй аялагч байгаарай.